تا که‌ی بناڵم بۆ تۆ گیانا تا که‌ی بسووتێم

تا که‌ی بناڵم بۆ تۆ گیانا تا که‌ی بسووتێم

ئه‌ی  بڕیارت وا  نه‌بوو فه‌رمووت من رۆژێ  هه‌ر دێم

زستان  وا  رویی به‌هاریش  هات  تۆهه‌ر  نه‌هاتی

ژه‌هری  تاڵی  چاوه‌ڕوانیت  دامێ  تۆ له  جیاتی

ئه‌ی  تۆ خۆ نازانی  ده‌ردی  چاوه‌ڕوانی

تا  چه‌ن  به  ئازاره  بڕک و ئێش و ژانی

گیانا  بۆ نه‌هاتی؟  ئازیز  بۆ نه‌هاتی؟

نه‌تپرسی هه‌واڵم، ئێش ومه‌رگه‌ساتی

شه‌و  نیه  ئه‌گه‌ر  جارێ  خه‌ونت   پێوه  نه‌بینم

وا  ئه‌زانم  له باوه‌شم دای  له  سه‌ر  سه‌رینم

که  چاو  هه‌ڵدێنم  گیانا  باڵای  به‌رزت  نابینم

دوباره  ده‌م سووتێنی  ئێش و زامی  برینم

گیانا که‌م  زوو  وه‌ره‌،  نازدارم  زوو  وه‌ره  به‌س  جارێ  بتبینم  گیانم  بۆ خۆت  به‌ره

ترجمه فارسی در ادامه مطلب

ادامه نوشته

خه‌‌می دوری تۆ

خه‌‌می دوری تۆ ئاوای لێ كردووم

هه‌‌ر به‌‌ زیندوویی ئه‌ڵێی مردووم

كه‌‌سێ نه‌‌یدیبی ده‌‌ردی دوری یار

تێناگا له‌‌ حاڵ غه‌‌ریبی دڵزار

دڵ غه‌‌ریب وه‌‌كوو دیوه‌خان خه‌‌مه‌‌

غه‌‌ریب میواندار ده‌‌رد و ئه‌‌سته‌‌مه‌‌

شه‌‌وانم تاڵه‌ ڕۆژانم تاره‌‌

ڕه‌نگی غه‌‌ریبی له‌‌ رِووم دیاره‌‌

حاڵ نییه‌‌ زارتر له‌‌ حاڵی من بێ

ماڵ نییه‌ وێران وه‌‌ك ماڵی من بێ

پێویستیم پێته‌‌ تا هه‌‌ست بكه‌‌م هه‌‌م

بێ تۆ غه‌‌رقم من له‌‌ ده‌‌ریای ماته‌‌م

تۆ نه‌‌بی من هه‌‌ر له‌‌شێ بێ گیانم

ئه‌‌وینی تۆیه‌ نیازی ژیانم

ئه‌رێ گوڵم كه‌ي دێیته‌وه

ئه‌رێ گوڵم كه‌ي دێیته‌وه

له‌گه‌ڵ خۆتا شادى بێنى

دڵم ئۆقره‌ى لێبڕاوه

به‌شكوو تۆزێ رایبژێنى

ئه‌رێ گيانه كه‌ى دێیته‌وه

خه‌م له دڵم بڕه‌وێنى

وه‌كوو جاران به ئارامى

له باوه‌شتا بمخه‌وێنى

ده پێم بلێ كه‌ێ دێیته‌وه

تاكه‌ى دووريت بمسووتێنێ

تاكه‌ى نيگاى چاوه‌ڕوانى

خه‌م به دڵم بناسێنێ

ئه‌رێ ياران قه‌د ديوتانه

عاشق ئاوا بێ وفا بێ

بولبوول هه‌ر شين و زارى كا

گوڵ له سه‌يران وسه‌فا بێ

گوڵم به‌ڵێنى من وايه

له پێناوتا گيان بسپێرم

په‌نجه و خامه‌شم ئه‌شكێنم

دوا شێعرت بۆ بنێرم

چاوەڕوانم

چاوەڕوانم

بێیە ژوانی شێعرێکمەوە

کاتێ هاتی

فەڕشێکی هەریری گوڵ سوور

لە گلێنەی چاوەکانم

دەیخەمە بەرپێی نازێکی

ئەستێرەی جوانی چاوانت

بەهارت بۆدەکەم بەگوڵ

بۆنێو تاڵی کەزیەکانت

مانگ دادەگرم

بۆژێر سێبەری رووتەوە

سپێدەکان داگیردەکەم

بۆ تریفەی کوڵمەی گەشو

بەیانێکی سیماتەوە

ناهێلم کات چرکە لێدا

دەیشارمەوە لە ئاهەنگی دەنگی تۆدا

جەستەم هەمو دەکەم بەمۆم

لە غەزەلی نیگای تۆ دادەتوێمەوە

چاوەڕوانم

بێیە ژوانی شێعرێکمەوە

 

هەتا بڵێى بیرت ئەکەم

هەتا بڵێى بیرت ئەکەم، پێم خۆشە گوێم لە دەنگت بێ

وەک بەهــــارى باراناوى، چـاوم لە جــوانى رەنگت بێ

بــــــریا دەبووم بە خەونێک و ئەهاتمە ناو چـــــــاوانتەوە

یا دەبوومە ئەستێرەیەک، ئەکشام بەسەر ئاسمـانتەوە

بەڵام چیبکەم کە لـــــێم دوورى، نێوانمان پڕ ئۆقیانوسە

دە هیچ نەبــێ نامەیەکى، پـــــڕ لـە خەندەم بۆ بنوسە

وه‌ره‌وه لام بیرم کردووی

 

جا تۆ خودا ئه‌وه‌ حیسابیه بلێ بۆ رۆیشتی و به‌جێت هێشتم؟

نازانی بیرت ده‌که‌م و بێ تۆ ژیانم زۆر سه‌خته؟

هه‌سته هانا وه‌ره‌وه هیدی به‌سه‌ وه‌ڕه‌زتم

حه‌فته‌یه‌که رۆیشتووی بۆ من وه‌ک حه‌وت ساڵه

هه‌رچه‌ند ده‌زانم کاتێک ئه‌م داواکارییه‌م ده‌خوێنێوه هاتوویه‌ته‌وه لام

به‌ڵام باش بزانه دووریت زۆری ئه‌زیه ت کردم

زۆرم خۆش ده‌وێی دین و دنیاکه‌م